Iki ceritone Paijo sing arep melu interview kanggo syarat mlebu kerjo nang salah siji rumah sakit. Pas teko nang kantore, Paijo langsung dikongkon ngadep nang HRD kanggo test wawancara.
HRD: Pendidikanmu opo?
Paijo: Hukum Pak.
HRD: wah ora bisa ditompo ning kene.
Paijo: Alasanipun Pak?
HRD: Kakehan ngomong mengko, malah ora kerja.
Paijo: tapi kulo mantan diplomat lho Pak.
HRD: Tambah ora ketompo?
Paijo: Lho kok ngaten pak?
HRD: Mengko gaweyanmu mung ropat-rapat wae...... · Kowe nduwe omah opo ora?
Paijo: Dereng.....
HRD: Wah kowe ora iso ketompo nang kene.
Paijo: Lho kok ngaten?
HRD: Mengko kowe mesthi ngajukne utang nang perusahaan.
Paijo: Ah.. mboten kok, sakjanipun tiyang sepuh kulo niku sampun sugih.
HRD: Yo malah ora ketompo.
Paijo: Lho kok ngaten?
HRD: Mengko kowe kerjo mung nggo hiburan, nongkrang nongkrong ae... Kowe nduwe motor opo ora?
Paijo: Mboten.
HRD: Ora ketompo.
Paijo: Lho kok mboten ketompo?
HRD: Mengko kowe mesthi njaluk bantuan kreditan.
Paijo: Sakjanipun gadhah, ning tasih ten kampung, gampil mangke kulo beto ngriki.
HRD: Wah malah ra ketompo....
Paijo: Lho kok ngoten?
HRD: Tempat parkire wis ra cukup.. Kowe wis lulus sarjana tenan?
Paijo: Sampun Pak....
HRD: Ora ketompo. Kene iki golek sing SMA ae, luwih manutan lan ben mbayare murah.
Paijo: Sakjanipun kulo tasih badhe skripsi.
HRD: Malah ora ketompo...... .
Paijo: Lho kados pundi to?
HRD: Mengko kowe kerjo mung ngetik skripsi, yen wis lulus mesti golek kerjo neng perusahaan liyo... Kowe seneng guyon opo ora?
Paijo: Mboten pak, kulo serius nek nyambut gawe.
HRD: Ra ketompo......
Paijo: Waaaa... Kok ngoten?
HRD: Engko konco-koncomu lan anak buahmu podho stress kabeh.
Paijo: Sakjane nggih sekedhik-sekedhik seneng guyon.
HRD: Malah ora ketompo.
Paijo: Lho kok......
HRD: Engko kowe mung email-emailan sing lucu... Kowe mau mrene numpak opo?
Paijo: Nitih mobil.
HRD: Kowe ora ketompo.
Paijo: Sebabipun?
HRD: Saiki BBM mundhak terus, mengko kowe njaluk mundhak bayaran terus.
Paijo: Woo, kulo wau namung mbonceng, kok.
HRD: Tambah ora ketompo.
Paijo: Lho, lha kok?
HRD: Mengko mung gawene mbonceng mobil kantor. Ngrusuhi!... Anakmu akeh opo sithik?
Paijo: Kathah, Pak.
HRD: Kowe ora ketompo.
Paijo: Sebabipun?
HRD: Nyambut gawemu ora nggenah, mung mikir gawe uanak terus.
Paijo: Lha wong namung anak adopsi, kok.
HRD: Tambah ora ketompo.
Paijo: Lho, lha kok ngaten?
HRD: Gawe anak wae aras²en, opo maneh nyambut gawe... Kowe wis ngerti gaweyanmu durung?
Paijo: Dereng pak.
HRD: Kowe ora ketompo.
Paijo: Sebabipun menopo?
HRD: Arep nyambut gawe kok ora ngerti gaweyane?
Paijo: Oo, nek damelan niku mpun ngertos kok.
HRD: Tambah ora ketompo.
Paijo: Lho, lha kok?
HRD: Kowe rak mung arep keminter, to?... Kowe ngerti kahanan kantor kene durung?
Paijo: Dereng pak.
HRD: Kowe ora ketompo.
Paijo: Sebabipun?
HRD: Arep nyambut gawe kok ora ngerti kantore?
Paijo: Wah, nggih sekedhik2 mpun ngertos kok...
HRD: Tambah ora ketompo.
Paijo: Lho, lha kok ngaten?
HRD: Mengko kowe senengane ngudhal-udhal wewadi kantor, to?... Kowe kerep loro?
Paijo: Mboten.
HRD: Kowe ora ketompo..
Paijo: Sebabipun nopo?
HRD: Mesthi kowe kerep mbolos, wong arang2 gering.
Paijo: Wah, sakjanipun nggih asring.
HRD: Tambah ora ketompo.
Paijo: Lho, lha lho?
HRD: Kantor iki ora nompo karyawan penyakiten... Kowe biso main internet?
Paijo: mBoten.
HRD: Kowe ora ketompo.
Paijo: Sebabipun?
HRD: Perusahaan ora nompo sing buta internet.
Paijo: Wah, sakjanipun nggih saged.
HRD: Tambah ora ketompo.
Paijo: Walah, sebabpipun nopo?
HRD: Mesthi ora bakal nyambut gawe, kakehan fesbukan, senengane update status???.. Kowe waras opo ora?
Paijo: Lha, kulo nggih waras to Pak.
HRD: Ra ketompo.
Paijo: Kenging nopo?
HRD: Mengko kowe mesthi ora krasan neng kene.
Paijo: Niku rumiyin Pak, sakmeniko sampun rodo edan.
HRD: Yo malah ra ketompo.
Paijo: Waduh, Pripun to niki? Sebabipun menopo?
HRD: Mengko aku duwe saingan. wong aku dudu HRD tenanan
Paijo: WAAAAAAAAAAAAAAAA.... Wong Edaannnn @%^$&#*&$^(*#
Category:
Dagelan Jowo